ASH Wales - Campaigns - Smokefree Universities in Wales

Rydyn ni’n annog prifysgolion ledled Cymru i wneud eu campysau’n ddi-fwg er mwyn gwella iechyd y staff a’r myfyrwyr a lleihau sbwriel sy’n gysylltiedig â smygu.

Gwella iechyd y staff a’r myfyrwyr

Mae campysau prifysgolion ledled y wlad yn ganolfannau i bobl ifanc ddysgu a chymdeithasu ac yn darparu swyddi i filoedd o aelodau o staff. Trwy ein menter prifysgolion di-fwg rydym yn annog prifysgolion ledled Cymru i wneud eu campysau’n ddi-fwg. Bydd hyn yn gwella iechyd y staff a’r myfyrwyr ac yn lleihau sbwriel sy’n gysylltiedig â smygu.

Yn gyffredinol mae cyfraddau smygu’n gostwng yng Nghymru ond mae gwaith i’w wneud o hyd ymysg pobl ifanc rhwng 18 a 24 oed:

Cyfraddau smygu uchel

Mae cyfraddau smygu ymysg pobl ifanc rhwng 16 a 24 oed yn dal i fod yn uchel. Po ifancaf mae rhywun yn dechrau smygu, mwyaf mae’r niwed yn debyg o fod.

Arfer plentyndod

Dau trydedd o smygwyr yn dechrau cyn troi 18¹, a bron 40% yn dechrau smygu yn aml cyn 16². Mae llond ystafell ddosbarth o blant yn dechrau smygu pob dydd.

Atal

Mae mannau di-fwg yn dod yn gatalydd i ddadnormaleiddio smygu ymhlith pobl ifanc. Mae hyn yn hanfodol er mwyn sicrhau bod cyfraddau smygu’n dal i ostwng.

Beth ydyn ni’n galw amdano?

Gwneud pob man yn yr awyr agored ar gampysau’n gwbl ddi-fwg

Rhoi terfyn ar bob math o werthu a hyrwyddo tybaco ar gampysau

Rhoi terfyn ar bob math o drefniadau ariannol uniongyrchol neu anuniongyrchol gyda chwmnïau tybaco

Darparu cymorth i’r staff a’r myfyrwyr roi’r gorau i smygu

Pam mynd yn ddi-fwg?

Ffyrdd iach o fyw

Bydd eich prifysgol yn bodloni meini prawf fframwaith Prifysgolion Iach (AU/AB) Llywodraeth Cymru ar gamddefnyddio sylweddau, sydd ar fin ymddangos. Bydd yn iachach i bawb, a chaiff y staff a’r myfyrwyr eu cynorthwyo i fyw mewn ffordd iach.

Ysgogi ymgeisiau i roi’r gorau iddi

Mae’n bosibl y bydd pobl sy’n smygu ar hyn o bryd yn cael eu hysgogi i roi’r gorau iddi a bydd llawer o rai eraill yn peidio â dechrau smygu o ganlyniad uniongyrchol i’r polisi di-fwg.

Sbwriel sigaréts

Bonion sigaréts yw’r math o sbwriel sy’n cael ei daflu fwyaf yn y byd, ac fe’u ceir ar 86% o strydoedd Cymru. Caiff cost glanhau gwastraff ledled campws y Brifysgol ei lleihau.